माघ १८, पोखरा । बागलुङ नगरपालिक ८ सिगानाका ५२ वर्षीय शेरबहादुर जिसीले बुधबार आफ्नै घर भित्र आत्मदाहको प्रयास गरेका छन। उनले आफ्नो शरीरमा पेट्रोल छर्केर आत्मदाहको प्रयास गरेको जिल्ला प्रहरी कार्यालय बागलुङको डिएसपी गंगाबहादुर थापाले बताएका छन।
डिएसपी थापाले भने ‘उहाँले आफ्नै शरिरमा पेट्रोल छर्केर आगो लगाएको थाहा पाएपछी बाग्लुङ अस्पताल लगिएको थियो र त्याहाँ बाट थप उपचारका लागि पोखरा लगिँदै छ, शरिरमा आगो लगाउनुको कारण अहिलेसम्म खुल्न सकेको छैन।' जिसीको धौलागिरी अस्पतालमा उपचारपछि पोखरा ल्याइँदै छ। जिसीले घरमा कोही नभएको अवस्थामा आफ्नो शरीरमा पेट्रोल छर्केर आगो लगाएका थिए । घटनाबारे थप अनुसन्धान भइरहेको र आत्मदाहको कारण अहिले सम्म नखुलेको प्रहरीले जनाएको छ।
