असोज ७, काठमाडौँ । काठमाडौँका दुई स्थानमा आगलागी भएको छ । काठमाडौँको चाबहिल र सतुंगलमा आगलागी हुँदा करिब एक करोड रुपैयाँ बराबरको धनमाल नष्ट भएको अनुमान गरिएको छ ।
प्रहरीको प्रारम्भिक अनुमान अनुसार चन्द्रागिरि नगरपालिका-११ सतुंगलमा रहेको चप्पल कारखानामा आगलागी हुँदा ९० लाख रुपैयाँ भन्दा बढीको क्षती भएको छ भने यता चाबहिलस्थित एक घरमा आगलागी हुँदा १० लाख रुपैयाँ बराबरको धनमाल जलेर नष्ट भएको छ ।
काठमाडौँको चाबहिलमा एक व्यक्तीको घरमा खाना पकाउने ग्यास लिक भएर आगलागीभएको हो भने सतुंगलमा सन्चालित रहेको एक चप्पल कारखानामा गए राति विद्युत् सर्ट भएर आगलागी भएको थियो ।
- न्युज बहार संवाददाता
