बैशाख १०, बुटवल । आज बिहान पाल्पा सडकखण्डको जोरधारामा बस दुर्घटना भएको छ।
आज आईतबार विहान लु १ ख ५९५६ नम्बरको बस बुटवलबाट बाग्लुङको बुर्तिबाङ जाँदै गर्दा जोरधारामा दुर्घटनामा भएको प्रहरीले जनाकारी दिएको छ।
बस दुर्घटनाको सूचना पाएलगत्तै प्रहरी घटनास्थल पुगी उद्दारको कार्य थालिएको जिल्ला ट्राफिक प्रहरी कार्यालय पाल्पाका प्रहरी सहायक निरीक्षक (इन्सपेक्टर) फर्सुराम गौतमले जानकारी दिएका छन।
इन्सपेक्टर गौतमले अहिलेसम्म २० जना घाइतेलाई उद्दार गरी लुम्बिनी मेडिकल कलेज प्रभासमा पठाइएको जानकारी दिएका छन। उद्दार गरिएका मध्ये केहीको अवस्था गम्भीर रहेको उनले बताएका छन।
साथै गौतमले बसमा कति यात्रु थिए भन्ने यकिन नभइसकेको र घटनास्थलमा सम्भावित घाइतेहरूको खोजी भइरहेको जानकारी दिएका छन।
- न्युज बहार संवाददाता
