भदौ ४, काठमाडौँ । बाल सुधार गृह तोडफोड गरेर भक्तपुरबाट भागेका २६७ बालबालिकालाई प्रहरीले पक्राउ गरेको छ।
जिल्ला
प्रहरी कार्यालय भक्तपुरका डिएसपी बसन्त पाठकले बाँकी ३१ जनाको भने खोजीकार्य
भइरहेको जानकारी दिएका छन ।
भागेका बालबालिकालाई काठमाडौं र भक्तपुरको विभिन्न
ठाउँबाट पक्राउ गरिएको हो।
बाल
सुधार गृहमा २५५
जना बालक र ४३ जना बालिका गरी २९८ जना बालबालिका थिए।
आइतबार बिहान रामेछाप मन्थलीका १८ वर्षीय कमल बस्नेतको मृत्यु भएपछि परिवारले सुधार गृह अगाडि नाराबाजी र तोडफोड समेत गरेका थिए।
डिएसपी पाठकले त्यही विषयलाई लिएर सोमबार पनि नाराबाजी भइरहेको समयमा त्यहाँ बसिरहेका बालबालिका तोडफोड गरेर भागेका जानकारी दिए।
- न्युज बहार संवाददाता
