भदौ २९, काठमाडौँ । नयाँ प्रधानमन्त्री सुशीला कार्कीले आफू रहरले होइन, परिस्थितिको दबाबमा प्रधानमन्त्री बन्नुपरेको स्पष्ट पारेकी छन्।
आइतबार सिंहदरबारमा पदभार ग्रहण गरेपछि
कर्मचारी, सुरक्षाकर्मी
लगायतलाई सम्बोधन गर्दै उनले देशका विभिन्न तहबाट जिम्मेवारी लिन आग्रह आएकोले आफू
बाध्य भएर प्रधानमन्त्री बन्नुपरेको बताइन्। यस विषयमा उनले भनिन ‘सत्ताको भोग
गर्न आएको होइन, जिम्मेवारी पूरा गर्न
आएको हुँ।’
यसे क्रममा प्रधानमन्त्री
कार्कीले भ्रष्टाचार नियन्त्रण, सेवा प्रवाहमा सहजता
ल्याउने र नयाँ पुस्ताको सोचअनुसार अघि बढ्ने प्रतिबद्धता व्यक्त गरिन्।
उनले हालै सम्पन्न जनआन्दोलनका क्रममा
२७ घण्टा लामो आन्दोलनमा ठूलो जनधनको क्षति भएको उल्लेख गर्दै, सुरक्षापोष्ट, अदालत, सिंहदरबारजस्ता
संवेदनशील संरचनाहरू जलेर नष्ट भएको बताइन्।
उनका अनुसार भौतिक संरचना फेरि बनाउन सकिन्छ, तर नष्ट भएका दस्तावेज र प्रमाणहरू
गुम्दा ठूलो समस्या भयो।
- न्युज बहार संवाददाता
