चैत ६, काठमाडौँ । सरकार अब धेरै अगाडि नजाने दाबी नेकपा (माओवादी
केन्द्र)का अध्यक्ष पुष्पकमल दाहाल ‘प्रचण्ड’ले गरेका छन्।
अध्यक्ष प्रचण्ड भोली बिहीबारदेखि पुनः सुरू हुन लागेको हुलाकी
राजमार्ग केन्द्रित तराई-मधेस जागरण अभियानका लागि आज बुधबार बारा पुगेका थिए ।
सोही अवसरमा सिमरामा आयोजित सभालाई सम्बोधन गर्दै प्रचण्डले सरकार धेरै अगाडि
नजाने दाबी गरेका हुन्।
यस
विषयमा उनले भने ‘त्यो
टिक्ने र चल्ने वाला छैन, यसको जन्म नै अप्राकृतिक तरिकाले भएकाले यो धेरै अगाडि
जाने कुरा छैन र यसले राष्ट्र र जनताको पक्षमा कुनै राम्रो काम गर्न सक्ने स्थिति
पनि छैन।’
अहिलेको
सरकार भ्रष्टाचारीलाई बचाउन बनेको सरकार भएकाले यसले सुशासनको पक्षमा काम गर्न
सम्भव नहुने अध्यक्ष प्रचण्डले दाबी गरेका छन ।
- न्युज बहार संवाददाता
