भदौ
३०, काठमाडौँ । नयाँ
भौतिक पूर्वाधार तथा यातायातमन्त्री बनेका कुलमान घिसिङले जेनजी आन्दोलनका क्रममा
क्षति पुगेका पूर्वाधारहरू तत्काल पुनर्निर्माण गर्ने र नेपाललाई विद्युतीय
सवारीसाधनको युगमा प्रवेश गराउने प्रतिबद्धता जनाएका छन्।
सोमबार पदभार ग्रहण गर्दै मन्त्री
घिसिङले विद्युतीय सवारीको प्रवर्द्धन र यससँग सम्बन्धित चुनौतीहरू समाधान गर्न
सात दिनभित्र कार्यदल गठन गर्ने निर्णय गरेका छन्।
उनले विद्युत् खपत
बढाउनका लागि इन्धनमा चल्ने सवारीसाधनलाई विद्युतीयमा रूपान्तरण गर्नु आवश्यक
रहेको बताए। साथै, यस्तो रूपान्तरणलाई
सहज बनाउन आवश्यक पूर्वाधार विकासमा प्राथमिकता दिनुपर्ने धारणा राखे।
- न्युज बहार संवाददाता
