जेठ ९, काठमाडौँ । एनएससी–काभा वुमन्स भलिबल च्यालेन्ज कप २०२३ अन्तरगत आज नेपालले आफ्नो दोस्रो खेल बंगलादेशसँग खेल्ने छ।
समूह ए मा रहेको नेपालले आजको खेलमा लगातार दोस्रो जित निकाल्दै सेमिफाइनल पुग्ने लक्ष्य राखेको छ । कपको पहिलो खेलमा नेपाली टोलीले किर्गिस्तानलाई सोझो सेटमा पराजित गर्दै विजयी सुरुवात गरिसकेको छ ।
यता आजको प्रतिस्पर्धी बंगलादेश भने पहिलो खेलमा भारतसँग पराजित भएको थियो । तुलनात्मक रुपमा कमजोर मानिएको टिम बंगलादेशविरुद्ध ज नेपालले सहज जित निकाल्दै अन्तिम खेलअघि नै नेपालले सेमिफाइनलमा स्थान बनाउन सक्ने सम्भावना रहेको छ।
- न्युज बहार संवाददाता
