बैशाख १४, काठमाडौं । आईपीएल - इन्डियन प्रिमियर लिग २०२३ को हिजो राति भएको खेलमा कोलकाता नाइट राइडर्सले रोयल च्यालेन्जर्स बेंगलोरलाई घरेलु मैदानमा दोस्रो पटक पराजित गरेको छ ।
हिजो बुधबार राती बेंगलुरु माथी कोलकताले बेंगलोरलाई २१ रनको रोमाञ्चक जित हात पारेको हो।
बेंग्लोरको घरेलु मैदान एम चेन्नास्वामी क्रिकेट स्टेडियममा टस हारेर पहिले ब्याटिङ गरेको कोलकताले निर्धारित २० ओभरमा ५ विकेट गुमाएर २०० रनको योगफल तयार गरेको थियो।
२०१ रनको लक्ष्य पछ्याएको बेंगलोरले निर्धारित २० ओभरमा ८ विकेट गुमाएर १७९ रन मात्र बनाउन सफल भयो ।
यस सिजनको तेस्रो जित हातपारेको कोलकता ८ खेलबाट ६ अंक जोडेर अंकतालिकाको सातौं स्थानमा छ भने चौथो हार बेहोरेको बेंगलोर ८ खेलबाट ८ अंकसहित पाँचौ स्थानमा रहेको छ ।
- न्युज बहार संवाददाता
