जेठ ३, काठमाडौँ । आईपीएल - इन्डियन प्रिमियर लिगमा हिजो राती भएको खेलमा लखनउ सुपर जायन्ट्सले मुम्बइ इन्डियन्समाथि पाँच रनको रोमाञ्चक जित हात पारेको छ ।
लखनउको घरेलु मैदान कना क्रिकेट स्टेडियममा मंगलबार राति भएको खेलमा लखउनले दिएको १७८ रनको लक्ष्य पछ्याएको मुम्बइले निर्धारित २० ओभरमा १७२ रन मात्र बनाउन सक्यो ।
लखनउको जितमा मार्कुस स्टोइनिसले सानदार ब्याटिङ गर्दा अन्तिम ओभरमा मोहसिन खानले उत्कृष्ट बलिङ गरेका थिए ।
हिजोको जितपछि १३ खेलबाट १५ अंक जोडेको लखनउ मुम्बइलाई पछि पार्दै अंक तालिकाको तेस्रो स्थानमा उक्लेको छ र प्लेअफ पुग्ने आफ्नो सम्भावना बलियो बनाएको छ ।
- न्युज बहार संवाददाता
