चैत २७, काठमाडौँ । इन्डियन प्रिमियर लिग
(आईपीएल) २०२४ मा चेन्नाइ सुपर किंग्सले कोलकाता नाइट राइडर्सलाई ७ विकेटले पराजित
गरेको छ । यस सिजनमा कोलकाताको यो पहिलो हार हो ।
१७.४ ओभरमा
३ विकेट गुमाउँदै चेन्नाइले १३८ रनको लक्ष्य पूरा गरेको हो । चेन्नाइका लागि
कप्तान ऋतुराज गायकवाडले ५८ बलमा सर्वाधिक ६७ रनमा नट आउट खेलेका थिए । कोलकाताका
लागि वैभव आरोराले २ र सुनिल नारायणले १ विकेट लिन सफल भए ।
त्यसअघि टस
हारेर पहिला ब्याटिङको निम्तो पाएको कोलकाताले चेन्नाइको घरेलु मैदानमा चेपौकमा २०
ओभरमा ९ विकेट गुमाउँदै १३७ रन बनाएको थियो ।
हिजोको
खेलमा कोलकाता चेन्नाइको बलिङसामु भने चल्न नसकेको देखियो ।
- न्युज बहार संवाददाता
