वैशाख ३, काठमाडौं । आईपीएल २०२३ को हिजो भएको खेलमा दिल्ली क्यापिटल्सको लगातार पाँचौ हार बेहोरेको छ ।
शनिबार भएको उक्त खेलमा दिल्लीलाई रोयल च्यालेन्जर्स बेंगलोरले २३ रनले पराजित गरेको हो । लगातार पाँच हारपछि दिल्ली अंकविहीन हुँदै पुछारमा छ भने चार खेलमध्ये दुई खेल जितेको बेंगलोर ४ अंकसहित सातौं स्थानमा रहेको छ ।
घरेलु मैदान एम चिन्नास्वामी स्टेडियममा टस हारेर पहिले ब्याटिङ गरेको बेंगलोरले ६ विकेट गुमाएर १७४ रनको लक्ष्य बनाएको थियो
१७५ रनको लक्ष्य पछ्याएको दिल्लीले २० ओभरमा ९ विकेट गुमाएर १५१ रन मात्र बनाउन सफल भयो।
- न्युज बहार संवाददाता
