फागुन
२१, काठमाडौँ । आज सोमबार शेयर बजारमा तेस्रो साकारात्मक सर्किट ब्रेक लागेको छ।
दोस्रो
सर्किट ब्रेक लागेर कारोबार खुलेको १ मिनेटमानै नेप्से सूचक ६ प्रतिशतले बढेपछि नेप्सेमा पुनः तेस्रो तथा अन्तिम सर्किट
ब्रेक लागेको हो ।
सोमाबर कारोबार खुलेको पहिलो ३ मिनेटमानै नेप्से सूचक ४ प्रतिशतले बढ्दा पहिलो सर्किट ब्रेक लागेको थियो । पहिलो सर्किट ब्रेक ११ बजेर २३ मिनेटमा खुलेपछी पुन: १ मिनेटभन्दा कम अवधिमा नै नेप्से ५ प्रतिशतले बढेर दोस्रो सर्किट लागेको थियो। दोस्रो सर्किट पश्चात १ मिनेटभन्दा कम अवधिमानै नेप्से ६ प्रतिशतले बढी तेस्रो र आज सोमबारका लागि शेयर कारोबार बन्द भएको छ ।
आज नेप्से ११७.७० अंक(६ प्रतिशत)ले बढेको छ ।
सोमबार सर्किट ब्रेक लागेर बन्द हुने भन्दा अगाडी २३७ स्टकको शेयर
कारोबार भएको थियो। २३७ मध्ये २३२ स्टकको शेयरमूल्य बढेको छ भने ५ स्टकको मूल्य
घटेको छ।
यस
दिन मूल्य घटेका ५ स्टकमध्ये दुई लघुवित्त र ३ म्युचुअल फण्ड रहेका छन् । आज एनआईसी
एशिया फ्लेक्सी क्याप फण्ड, एनआईबिएल समृद्धि फण्ड २ र एनएमबि सुलभ इन्भेष्टमेन्ट
फण्ड २ को इकाईमूल्य घटेको छ ।
त्यसैगरी
गणपति लघुवित्त र ग्लोबल आइएमई लघुवित्तको शेयरमूल्य घटेको हो। यी ५ स्टकहरुको
गिरावट दर भने न्यून रहेको छ।
आज २३७ स्टकको कारोबारमा ३७ करोड ५२ लाख ९ हजार ९ सय ७८ रुपैयाँको कारोबार
भएको छ ।
यसदिन सोनापुर मिनिरल्सको सर्वाधिक ४ करोड ५० लाख ३३ हजार २ सय ३९ रुपैयाँको
करोबार भएको छ ।
- न्युज बहार संवाददाता
