असोज १२, काठमाडौँ । आज आइतबार सागर डिष्टिलरी लिमिटेडको आईपीओ बाँडफाँट सम्पन्न भएको छ। यो बाँडफाँट मुक्तिनाथ क्यापिटलको कार्यालयबाट गरिएको हो, जुन कम्पनीको शेयर निष्कासन तथा बिक्री प्रबन्धक हो।

सागर डिष्टिलरीले भदौ ३० गतेदेखि असोज ९ गतेसम्म सर्वसाधारणका लागि प्रतिकित्ता १०० रुपैयाँ दरमा कुल ११ लाख ९० हजार ६४० कित्ता शेयर सार्वजनिक गरेको थियो, जसको कुल मूल्य ११ करोड ९० लाख ६४ हजार रुपैयाँ बराबर पर्छ।

उक्त आईपीओमा २२ लाख २७ हजार ५०३ जनाले आवेदन दिएका थिए, जसअन्तर्गत २ करोड ४२ लाख ८० हजार ५८० कित्ता शेयरको माग परेको थियो। तीमध्ये २१ लाख ९३ हजार ८२३ जनाको आवेदन वैध ठहरिएर स्वीकृत भएको छ भने बाँकी आवेदनहरू विभिन्न कारणले रद्द भएका छन्।

माग धेरै भएकाले बाँडफाँट गोलाप्रथामार्फत गरिएको हो। बाँडफाँटअनुसार १ लाख १९ हजार ६४ जना भाग्यशाली आवेदकले १० कित्ताका दरले शेयर प्राप्त गरेका छन्।

आईपीओको नतिजा https://iporesult.cdsc.com.np मा गएर हेर्न सकिनेछ।

• न्युज बहार संवाददाता