फागुन
३, काठमाडौँ । बिहिबार साताको अन्तिम कारोबार दिन नेप्से परिसूचक घटेर बन्द भएको
छ। नेप्से परिसूचक यस दिन १४.४६ अंक(०.६९
प्रतिशत)ले घटेर २०६२.०३ विन्दुमा बन्द भएको छ।
यस दिन नेप्से नेप्सेसँगै कारोबार रकम पनि घटेको छ। यस
दिन ३०५ स्टकको ८१ हजार ५६ पटकको कारोबारमा ३ अर्ब ८६ करोड ९१ लाख रुपैयाँ बराबरको
१ करोड १४ लाख ७ हजार कित्ता शेयर खरिदबिक्री भएको छ।
यस दिन दुई
स्टकको शेयर सकारात्मक सर्किट लेभलमा कारोबार भएको छ। यस दिन समाज लघुवित्त र बोटलर्स
नेपाल (बालाजु) को शेयर १० प्रतिशत बढेर कारोबार भएको हो भने सर्वाधिक ५.७०
प्रतिशतले कारोबारमा आएको मैलुङ्ग खोला जलविद्युत कम्पनीको शेयरमूल्य घटेको छ।
यस दिन पनि कारोबार रकमका आधारमा हिमालयन रि इन्स्योरेन्स नै शीर्ष
स्थानमा रहेको छ। सो कम्पनीको यस दिन २२ करोड ८५ लाख रुपैयाँ बराबरको शेयर खरिदबिक्री
भएको छ।
१३ उपसमूहमध्ये यस दिन १२ उपसमूहको
परिसूचक घट्दा एक उपसमूहको परिसूचक बढेको छ । यस दिन ०.१५ प्रतिशतले उत्पादन तथा
प्रशोधन उपसमूहको परिसूचक बढेको हो।
यस दिन सर्वाधिक २.७१ प्रतिशतले वित्त
उपसमूहको परिसूचक घटेको छ।
- न्युज बहार संवाददाता
