माघ ८, काठमाडौँ । आज मंगलबारदेखि नेपाल माइक्रो इन्स्योरेन्सले आइपिओ बिक्री खुला गरेको छ।
नेपाल
माइक्रो इन्स्योरेन्सले वैदेशिक रोजगारीमा रहेका नेपालीहरूका लागि आइपिओ निष्कासन
गरेको हो।
कम्पनीले
आफ्नो जारी पुँजी ७५ करोड रुपैयाँको ३० प्रतिशतले हुन आउने २२ करोड ५० लाख रुपैयाँ
बराबरको २२ लाख ५० हजार कित्ता सेयर निष्कासन गर्ने अनुमति पाएको थियो।
नेपाल
सरकारको सम्बन्धित निकायको श्रम स्वीकृति लिई वैदेशिक रोजगारीमा रहेका नेपालीहरूका
लागि सोमध्ये १० प्रतिशतले हुन आउने २ करोड २५ लाख रूपैयाँ बराबरको २ लाख २५ हजार
कित्ता सेयर निष्कासन गरेको हो।
उक्त
आइपिओमा न्यूनतम १० कित्ता देखि अधिकतममा १ लाख कित्तासम्म आवेदन दिन सकिनेछ।
वैदेशिक
रोजगारीमा रहेका नेपालीहरूले यही माघ २२ गतेसम्म आइपिओमा आवेदन दिन सक्नेछन्।
नेपाल धितोपत्र बोर्डबाट स्वीकृति प्राप्त गरेका
सम्पूर्ण आस्बा सदस्य बैंक तथा वित्तीय संस्था र तिनका तोकिएका शाखा कार्यालयहरू
तथा सिडिएस एण्ड क्लियरिङ लिमिटेडबाट निर्माण गरिएको सफ्टवेयर 'मेरो सेयर' अनलाइन प्रयोग
गरी सी–आस्बा प्रणाली मार्फत सो सेयरमा आवेदन दिन
सकिनेछ।
