मंसिर १, काठमाडौँ । मधेस प्रदेशको राजधानी जनकपुरधाममा मात्रै छठ पर्वका लागि चार करोड रूपैयाँको केरा भारतबाट आयात गरिएको छ। केरा छठ पर्वका वर्तालुका लागि अत्यावश्यक मानिन्छ।
परम्परा अनुसार छठमा सिङ्गै
केराको घरी भगवानलाई अर्घ्यका रूपमा चढाउने गरिन्छ। जनकपुर फलफूल तथा तरकारी
व्यवसायी समितिका अध्यक्ष विश्वेश्वर यादवले छठमा केराको माग उच्च हुने र आपूर्ति
कम हुँदा हरेक वर्ष आयात गर्नुपर्ने बताएका छन। यादवका अनुसार केरा उत्पादनका लागि
नेपाली भूमि राम्रो मानिए पनि यहाँको उत्पादनले कुनै वर्ष पनि पुग्ने गरेको छैन।
अध्यक्ष यादव स्थानीयस्तरमा
मागअनुसार उत्पादन नभएपछि बाहिरबाट केरा मगाउनु परेको बताउँछन । उनले भने ‘गत वर्ष पौने दुई करोड रूपैयाँभन्दा
बढीको केरा जनकपुर भित्र्याइएको थियो, यस वर्ष झन्डै ७० ट्रक केरा
भित्र्याइएका छन्।’
गत वर्षको
तुलनामा छठ पर्वसँगै यस वर्ष २५ प्रतिशतले केराको भाउ महँगिएको छ ।
- न्युज बहार संवाददाता
