असोज १७, काठमाडौँ । बैंकिङ कसुर तथा सजाय ऐन
२०६४ को संशोधन गरी सरकारले चेक अनादरलाई बैंकिङ कसुर बनाउने प्रस्ताव अघि सारेको
छ ।
चेक अनादरको विषयलाई बैंकिङ कसुर मान्ने र त्यस्तोमा अधिकतम् दुई वर्षसम्म कैद सजाय हुनसक्ने व्यवस्था केही समयअघि मन्त्रीपरिषद्बाट पारित विधेयकमा प्रस्ताव गरिएको थियो।
बैंकिङ कसुर तथा सजायसम्बन्धी ऐन संशोधन चेक अनादरलाई बैंकिङ कसुर बनाउने प्रयोजनकै लागि सरकारले गर्न लागेको हो । यस सम्बन्धमा यसअघिको ऐनमा पर्याप्त व्यवस्था नभएको र सर्वोच्च अदालतले भिन्नभिन्न प्रकृतिमा फैसला गरेपछि चेक अनादरको विषयमा कानूनी एकरुपता हुने गरेको थिएन ।
अब विधेयक पारित भएपछि त्यसमा स्पष्टतार एकरुपता हुनेछ ।
- न्युज बहार संवाददाता
