जेठ ८, रौतहट । एक जना सेवाग्राहीको माछापुच्छ्रे बैकको चन्द्रनिगापुर शाखाको खाताबाट ९ लाख रकम गायब भएको घटना सार्वजनिक भएको छ । वृन्दावन नगरपालिका–३ स्थायी ठेगाना भएका रामेश्वर राय यादव हिजो आइतबार चेक साट्न जाँदा खातामा पैसा नभएको पत्ता लागेको हो ।
उनको खातामा केही दिन अघि मात्र १२ लाख २० हजार रकम जम्मा गरिएको थियो । बिहीबार बिहान यादव आफै १२ लाख २० हजारको चेक जम्मा गर्न माछापुच्छ्रे बैंकमा दिएका थिए । उनको मोबाइलमा शुक्रबार अपराह्न ३ बजे खातामा पैसा जम्मा भएको म्यासेज पनि आएको थियो ।
आइतबार कार्यालय खुलपछी ८ लाखको चेक साट्न बैंकमा जाँदा बैंकका कर्मचारीले खाताबाट ९ लाख पैसा गायब भएको बताएपछि आफू चकित भएको यादवको भनाई छ।
खाताबाट पैसा गायब भएपछि इलाका प्रहरी चन्द्रनिगाहपुरबाट बैंकमा गएको प्रहरीको टोलीले घटनाबारे अनुसन्धान थालेको जनाएको छ।
- न्युज बहार संवाददाता
