फागुन २७, काठमाडौँ । ‘पुजार सार्की’ फिल्मले आफ्नो अभिनेता प्रदीप खड्काको जन्मदिनको अवसर पारेर फिल्ममा रहेको उनको ‘क्यारेक्टर लुक्स’ सार्वजनिक गरेको छ । फिल्म ‘पुजार सार्की’ मा प्रकाशले मैतबहादुर परियार नामक पात्रको भूमिका निर्वाह गरेका बताइएको छ ।

सार्वजनिक तस्वीरमा उनको चरित्र रुपान्तरण आकर्षक र भिन्न देखिएको छ । तस्वीरमा उनले पात्र निर्वाह गर्नका लागि गरेको मेहनत पनि देखिएको छ । सार्वजनिक फोटोमा उनलाई लामो कपाल, कालो टोपीमा पञ्जैबाजाको दमाहा बजाउँदै गरेको देखिएको छ ।  

निर्देशक दिनेश राउतले यो फिल्ममा जातीय विभेदविरुद्ध तीन पात्रले गर्ने कथा पेश गरिने बताएका छन । प्रदीपसँगै यस फिल्ममा पल शाह र आर्यन सिग्देल पनि प्रमुख भूमिकामा रहेका छन  । आर्यन सिग्देल फिल्ममा पुजारीको भुमिकामा देखिने बताइएको छ। पल शाहको भुमिका बारे भने अहिले सम्म सार्वजनिक गरिएको छैन।

पहिलो पटक यी तीन कलाकार एउटै फिल्ममा देखिन लागेका हुन् । फिल्म आउँदो जेठमा प्रदर्शन हुने जनाइएको छ। 

• न्युज बहार संवाददाता