माघ २०, नुवाकोट । बेलकोटगढी नगरपालिकाको १३ वटा वडा मध्ये वडा नम्बर ८ को सडक
किनारमा हालिएको बिधुतिय सडक बत्ती (स्माट लाईट) निकालिने भएको छ ।
बेलकोटगढी नगरपालिकाले सडक बत्ती खरिद, जडान जस्ता कार्यको बिल भुक्तानि डेढ वर्ष सम्म नगर्दा सडक लाइनमा हालिएको बत्ति निकाल्न लागिएको साइनिङ इन्टरनेशनल प्रा. लि. ले जनाएको छ ।
काठमाडौँ पुतलिसडक अवस्थित कम्पनि साइनिङ इन्टरनेशनल प्रा. लि. का अनुसार बिगत १५ महिनादेखि हालिएको विधुतिय सडक बत्तीको बिल भुक्तानि आजसम्म पनि नहुँदा सडक किनारबाट बत्ती हटाउन लागिएको हो ।
कम्पनिले १५ महिना अगाडी नगरपालिकाको आग्रहमा नगरपालिकाको वडा नम्बर ८ अन्तर्गत धुर्पुरे, काशिटार, बालुवाखानि बहुरे हुदैँ केउरिनी सम्म बिधुतिय सडक बत्ती जडान गरेको थियो । सेन्सर वाला ५० वाटको एलइडी लेन्स लाईटका साथै लाईट जडानका लागी चाहिने अन्य सामाग्री र कामदारसहित साइनिङ इन्टरनेशनल प्रा. लि. ले वडा नम्बर ८ मा बत्ती जडान गरेको थियो । सबै खर्च जोड्दा करिब तिन लाख बराबरको बिल भुक्तानी हुन बाँकी रहेको कम्पनिले जनाएको छ ।
१५ महिना सम्म पनि नगरपालिकाले बिल भुक्तानि नगर्दा कम्पनिलाई आर्थिक रुपमा सङ्कट परेको कम्पनि स्रोतले जनाएको छ । बिल भुक्तानीका लागि साइनिङ इन्टरनेशनल प्रा. लि. ले बारम्बार गरेको फलो अपमा नगरपालिकाले कुनै चासो नदिएका कारण आफुहरुले सडक किनारमा लगाइएको बत्ती निकाल्ने अवस्थामा पुगेको कम्पनिका एक आधिकारीक व्यक्तीले न्युज बहारलाई जानकारी दिएका छन।
- न्युज बहार संवाददाता
