मंसिर ४, काठमाडौँ । तिहारपछि पहिलो दिन खुलेको सेयर बजार बढ्ने प्रयासमा रहेको देखिएको छ। बजार कारोबार खुल्ने बित्तिकैको केही समयमा बढेता पनि त्यसपछि उतारचढावमा देखिएको छ। आज बजार बन्द हुँदा नेप्से परिसूचक १.३९ अंकले बढेर १८५३ विन्दुमा पुगेको छ।
सोमबार २८४ वटा सेयर किनबेचबाट एक अर्ब नौं करोड रूपैयाँको कारोबार भएको छ।
यस दिन ग्लोबल आइएमइ लघुवित्त र कर्णाली डेभलपमेन्ट बैंकको सेयर मूल्य सर्वाधिक धेरै १० प्रतिशतको हाराहारी बढेको छ भने
सयपत्री हाइड्रो र फर्वाड लघुवित्तको सेयर मूल्य सबैभन्दा धेरै १० प्रतिशतको दरमा घटेको छ।
यस
दिन हिमालयन डिष्टिलरीको सबैभन्दा धेरै कारोबार भएको छ ।
आज
उत्पादनमुलक, होटल, लघुवित्त
र अन्य समूहगत परिसूचक घटेका छन्। बाँकी सबै समूहगत परिसूचक बढेका छन्। आज कारोबारमा आएका १४१ वटा सेयरको
मूल्य बढेको छ भने १२९ वटाको मूल्य घटेको छ।
- न्युज बहार संवाददाता