चैत
२०, काठमाडौँ । आज मंगलबार नेप्से परिसूचक १.८५ अंक(०.०९ प्रतिशत)ले घटेको छ । आज
नेप्से २०१०.२१ को बिन्दुमा बन्द भएको छ। आज दोस्रो बजारका
लगानीकर्ताहरु लघुवित्त कम्पनीहरुमा आकर्षित भएका देखिएको छ। यस दिन लघुवित्त
उपसमूहको परिसूचक सबैभन्दा बढी बढेको छ
९
लघुवित्त कम्पनी यस दिन शेयरमूल्य बढेका शीर्ष १० कम्पनीहरुमो सूचीमा परेका छन्। यस
दिन गुराँस लघुवित्तको शेयर सकारात्मक सर्किट लेभलमा कारोबार भएको छ । यस दिन सर्वाधिक
७.५० प्रतिशतले ज्योति विकास बैंक बण्ड २०८७ को मूल्य घटेको छ ।
अघिल्लो दिनको तुलनामा यस दिन कारोबार रकम पनि सामान्य
घटेको छ। बजारमा यस दिन ३१२ स्टकको ४६ हजार २३५ पटकको कारोबारमा २ अर्ब २९ करोड १६
लाख रुपैयाँ बराबरको ६१ लाख ३१ हजार कित्ता शेयर खरिदबिक्री भएको हो ।
गोर्खाज फाइनान्स कारोबार रकमका आधारमा यस दिन शीर्ष
स्थानमा रहेको छ । उक्त फाइनान्सको यस दिन १४ करोड ९८ लाख रुपैयाँ बराबरको शेयर
खरिदबिक्री भएको छ ।
आज
कारोबारमा आएका १३ उपसमुहमध्ये ६ उपसमूहको परिसूचक बढेको छ भने ७ उपसमूहको परिसूचक
घटेको छ । आज सर्वाधिक १.८९ प्रतिशतले लघुवित्त उपसमूहको परिसूचक बढेको छ। यस दिन होटल
तथा पर्यटन, बैंकिङ्ग, विकास बैंक, , जलविद्युत, निर्जीवन
बीमा, उत्पादन तथा प्रशोधन र
अन्य उपसमूहको परिसूचक घटेका छन ।
- न्युज बहार संवाददाता