चैत
२५, काठमाडौँ । नेपाल स्टक एक्सचेञ्ज लिमिटेड (नेप्से)ले शेयर कारोबारका लागि नयाँ
कार्यतालिका सार्वजनिक गरेको छ। चैत २२ गते बसेको मन्त्रिपरिषद् बैठकको निर्णयलाई
आधार मानेर कारोबार दिनमा परिवर्तन गरिएको हो।
सरकारले सातामा दुई दिन (शनिबार र
आइतबार) सार्वजनिक बिदा दिने तथा कार्यालय समय बिहान ९ बजेदेखि साँझ ५ बजेसम्म
कायम गर्ने निर्णय गरेको थियो। यही निर्णयलाई अनुसरण गर्दै नेप्से सञ्चालक समितिले
पनि सोही मितिमा बसेको बैठकबाट नयाँ व्यवस्था लागू गर्ने निर्णय गरेको हो।
नयाँ कार्यतालिकाअनुसार अब शेयर बजार
सोमबारदेखि शुक्रबारसम्म पूर्ववत् समयमै सञ्चालन हुनेछ।
यसअघि आइतबारदेखि
बिहीबारसम्म कारोबार हुँदै आएकोमा अब आइतबार सार्वजनिक बिदा परेकाले उक्त दिन शेयर
कारोबार नहुने भएको छ।
- न्युज बहार संवाददाता
