भदौ १९, झापा । झापा जिल्लाको अर्जुनधारा नगरपालिकाका तीनवटा वडामा धानबालीमा फौजी कीरा र गबारो किराको समस्या देखापरेको छ । यसरी धानबालीमा किराको रोग फैलिन थालेपछि किसान चिन्तित भएका छन् ।

अर्जुनधारा नगरपालिकाको कृषि शाखा प्रमुख एन्जिला बिडारीले रोगका कारण वडा नं ३, ४ र ७ को ४० बिघा क्षेत्रफलमा लगाइएको धानबाली सखाप भएको र अन्यतिर पनि फैलिइरहेको जानकारी दिइन् । 

उनले समस्याबारे जानकारी दिँदै भनिन्, “ढुसी, गबारो र फौजी कीराको समस्या देखापरेको छ, केही किसानका खेतमा धानबाली सखाप भएको अनुगमनबाट देखिएको छ भने तत्काल नियन्त्रण गरिएन भने अन्यतिर फैलिने सम्भावना छ।”

उनले यसरी दानमा रोग देखिएको बन्दै किसान आएपछी रोग नियन्त्रण गर्न किसानलाई कीटनाशक विषादी दिएर पठाउने र रोग नियन्त्रण गर्ने उपाय सिकाउने गरिएको बताइन् ।

शाखा प्रमुख बिडारीले हुर्किन लागेको धानबालीमा रोग फैलिएपछि चिन्तित बनेका किसान मर्न थालेको धानको बोटै बोकेर नगरपालिकाको कृषि शाखामा पुग्ने गरेका छन । यस रोगको सबैभन्दा बढी समस्या वडा नं ७ मा रहेको छ ।

• न्युज बहार संवाददाता