पुस २०, म्याग्दीर । पछिल्लो समय म्याग्दीका
किसान परम्परागत बाली छोडेर आलु खेतीतर्फ आकर्षित भएका छन् । पछिल्लो समय जौ,
गहुँ, फापर, उवा
जस्ता खेती
गरिरहेका किसान ती बाली छोडेर आलु खेतीतर्फ आकर्षित हुन् थालेका हुन ।
स्थानीय
गाउँपालिकाका कृषि प्राविधिकको भनाइ अनुसार पश्चिम म्याग्दीको मङ्गला गाउँपालिकाको
रणबाङ, अर्मन, नेटा मालिका गाउँपालिका–१ निस्कोट, २ रुम, ६ दरवाङ,७ विमलगायत धौलागिरि
गाउँपालिकाको अधिकांश वडाका कृषक परम्परागत अन्नबाली छोडेर आलुखेतीतिर लागेका हुन
।
किसानले
उत्पादन गरेको आलु बजारमा सहजरुपमा बिक्री हुन थालेपछि नगदेबालीको रुपमा आलुलगायत
तरकारी खेतीतर्फ किसानको आकर्षण बढेको मङ्गला गाउँपालिकाका कृषि प्राविधिक जगत
बानियाँले बताए ।
मालिका –६ का वडाध्यक्ष पथबहादुर रोकाका
अनुसार उच्च वातावरणमा उब्जेको जैविक आलु स्वादिलो र छिटो पाक्ने भएकाले यसको माग
बढ्दै गएपछि यहाँका किसान आलुखेतीतर्फ आकिर्षत भएका हुन ।
उनले आलु
जति फलाए पनि बिक्रीका लागि चिन्ता नभएको बताएका छन । आलु फलाएपछि
मौसमीभन्दा बेमौसमीमा यसको भाउ धेरै पाइने मालिका–२ रुमका किसान टेकबहादुर विकले बताउँछन
।
- न्युज बहार संवाददाता
