भदौ २१, मलेखु
। पाँच वर्ष वैदेशिक रोजगारीमा बिताएका विनोद पौडेलले स्वदेश फर्किएर च्याउ खेतीमा
रु एक करोड लगानी गरेका छन् । धादिङको थाक्रे गाउँपालिका–१० केवलपुरमा युएईमा मेनेजरको काम
छाडेर नेपाल फर्किएका पौडेलले च्याउ खेती सुरु गरेका हुन् ।
मासिक
झन्डै रु एक लाख पाउने युएईको कन्सल्टेन्ट कम्पनीको जागिर छोडेर नेपालमै केही
गर्नुपर्छ भन्ने सोचका साथ च्याउ खेती सुरु गरेको उनले बताए । पौडेल भन्छन्, “अर्काको देशमा अरूले दिएको रोजगारीले
जति नै कमाई भए पनि नेपालमै कृषि खेती गर्नुपर्छ भन्ने पारिवारिक सल्लाहअनुसार
च्याउ खेती सुरु गरिएको हो, चार वर्षअघि सुरु गरेको च्याउले
राम्रै आम्दानी दिइरहेको छ ।”
सुरुमा विसं २०७६ मा काठमाडौँको नागार्जुन
नगरपालिका–५ आमकोटबाट साझेदारीमा च्याउ खेती गरेका पौडेलले अहिले
धादिङको केवलपुरमा ३० रोपनी जग्गामा च्याउ खेती गरिरहेका छन् । अहिले उनकोमा ४५
च्याउ र दुई रोपनीमा ग्रिन हाउस रहेका छन
