जेठ २८, काठमाडौँ । नेपाल लेयर्स कुखुरापालक सङ्घले
जेठ महिनाभर अण्डाको समर्थन मूल्यमा लगातार वृद्धि गरेको छ। सङ्घले जेठ ३ गतेदेखि
२८ गतेसम्म विभिन्न चरणमा बैठकहरू सञ्चालन गर्दै चितवनलाई आधार क्षेत्र मानेर
अण्डाको नयाँ फार्म मूल्य निर्धारण गरेको जनाएको छ।
सङ्घको निर्णयअनुसार जेठ महिनामा चार
पटक मूल्य समायोजन गरिएको छ। यस अवधिमा ठूलो,
निकै
ठूलो र मध्यम आकारका अण्डाको फार्म मूल्य प्रति क्रेट जम्मा ४५ रुपैयाँले बढेको छ।
त्यसैगरी साना आकारका अण्डाको मूल्य प्रति पेटी ५०० रुपैयाँले वृद्धि भएको छ।
लगातार गरिएको मूल्य
समायोजनपछि अण्डाको बजार मूल्यमा समेत प्रभाव पर्ने अपेक्षा गरिएको छ।
- न्युज बहार संवाददाता
