भदौ २१, काठमाडौँ । ६० किलो सुन तस्करी प्रकरणमा पक्राउ गरिएका दावा छिरिङ ‘व्यवस्थापक’को भूमिकामा रहेको देखिएको छ । चिनियाँ तस्करले हङकङबाट ल्याउने सुन काठमाडौँ उपत्यकामा व्यवस्थापन गर्ने कार्यमा दावाको संलग्नता देखिएको केन्द्रीय अनुसन्धान ब्युरोको अनुसन्धानले निष्कर्ष निकालेको छ ।
सुनमा दावाको लगानी पुष्टि भएको छैन । उनले काठमाडौँमा बसेर परिआउँदा ‘जे पनि गर्ने’ स्वभावले सुन तस्करीमा संलग्नहरूका लागि फ्ल्याट खोजिदिने, युवती मिलाइदिने र ठमेल स्थित होटेल भियानामा खाने–बस्ने व्यवस्था मिलाउनले गरेको देखियो केन्द्रीय अनुसन्धान ब्युरो ‘सिआईबी’का अनुसन्धान अधिकृतहरूले उल्लेख गरेका छन ।
ठमेलमा रहेको होटेल भियना उनकी पत्नी अमला रोकाको नाममा रहेको छ ।
- न्युज बहार संवाददाता
