असोज १३, काठमाडौँ । त्रिभुवन अन्तर्राष्ट्रिय विमानस्थलबाट प्रहरीले २.७ किलो सुन बरामद गरेको छ ।
फ्लाइ दुबईको जहाजमा आएकी फिलिपिन्सकी महिला शुक्रबार साँझ काठमाडौँ अवतरण गरपछी उनीसँगबाट प्रहरीले सुन बरामद गरेको हो ।
त्रिभुवन अन्तर्राष्ट्रिय विमानस्थल सुरक्षा कार्यालय प्रमुख डीआईजी अर्जुन चन्दले आगमन कक्षमा ती महिलामाथि शंका लागेर चेकजाँच गर्दा तरल अवस्थामा रहेको सुन बरामद भएको जानकारी दिएका छन ।
डीआईजी चन्दका अनुसार महिलाले सुन आफ्नो भित्री वस्त्रमा लुकाएर ल्याएकी थिइन् । सुन ल्याउने महिला र उक्त सुनलाई प्रहरीले त्रिभुवन विमानस्थल भन्सार कार्यालयलाई बुझाएको छ ।
- न्युज बहार संवाददाता
