साउन १४, काठमाडौँ। १०० किलो सुन प्रकरणमा काठमाडौँको ठमेलमा रहेको होटल भियनाबाट एक जनालाई राजस्व अनुसन्धान विभागले पक्राउ गरेको छ।
आइतबार बिहान अनुसन्धानमा खटिएको विभागको टोलीले उक्त होटलबाट दावा छिरिङलाई पक्राउ गरेको स्रोतले जनाएको छ । उक्त होटल भियना उनकै श्रीमतीको नाममा रहेको छ।
विभागको टोलीले छिरिङलाई त्रिभुवन अन्तर्राष्ट्रिय विमानस्थलबाट भित्रिएको ठूलो परिमाणको सुनमा उनको पनि कनेक्सन देखिएपछि पक्राउ गरेको जनाएको छ। योसँगै यस प्रकरणमा पक्राउ पर्नेको संख्या १८ पुगेको छ।
उक्त होटल भियानाबाट विभागले सिसिटिभी फुटेज, कम्प्युटरहरू पनि जफत गरी अनुसन्धान अघि बढाएको जनाएको छ।
- न्युज बहार संवाददाता
