साउन ११, काठमाडौँ। नेपालले आर्थिक वर्ष २०७९/८० मा १० लाख ९४ हजार किलो गोलभेँडा भारत निर्यात गरेको छ। नेपालले उक्त १० लाख ९४ हजार किलो गोलभेँडा निर्यातबाट एक करोड ४९ लाख रूपैयाँ आम्दानी गरेको छ।
अझ चाख लाग्दो विषय के छ भने नेपालले उक्त परिमाणको गोलभेँडा आर्थिक वर्षको अन्तिम महिना असारमा मात्रै निर्यात गरेको भन्सार विभागको तथ्यांकमा उल्लेख गरेको छ। गत साउनदेखि यो जेठसम्म भने गोलभेँडा नेपालबाट भारत निर्यात भएको छैन।
यसैगरी आर्थिक वर्षको अन्तिम महिना असारमा मात्रै भारतबाट नेपालतर्फ ५० लाख किलो गोलभेँडा आयात भएको भन्सार विभागको तथ्यांकले देखाएको छ।
- न्युज बहार संवाददाता
