माघ २०, बागलुङ
। यसवर्ष बागलुङ जिल्लाको सुन्तला गाउँका रुपमा
परिचित सिगानाका किसानले सुन्तला बिक्री गरेर तीन करोड रुपैयाँ गाउँभित्र्याएका
छन् । किसानको भनाइ अनुसार गतवर्ष भन्दा यस वर्ष सिगानामा सुन्तला
उत्पादनमा वृद्धि भएको छ । त्याहाँका किसानले यस वर्ष गत वर्षकै मूल्यमा बगैँचा नै
व्यापारीलाई बिक्री गरेका थिए । यसरी बोटबाटै सुन्तला बिक्री गर्दा सरदर मूल्य
प्रतिकेजी रु ५० पर्न गएको छ ।
यस वर्ष
उत्पादित यहाँको सुन्तला ९० प्रतिशत बजार पुगिसकेको जनाइएको छ भने सुन्तलाको
बजारीकरण गणेश कृषि व्यावसायिक सहकारीमार्फत हुँदै आएको छ । बागलुङ जिल्ला
नगरपालिका–८ सिगानाका किसानले सुन्तला
बिक्रीबाट रु तीन करोड भित्राउन सफल भएका हुन् । गत वर्ष सुन्तला बिक्रीबाट रु दुई करोड ७५ लाख भित्राइएको सहकारीले
सङ्कलन गरेको तथ्याङ्कले देखाएको छ ।
- न्युज बहार संवाददाता
