मंसिर ८, काठमाडौँ । आज शुक्रबारदेखि सर्वसाधारणका लागि मुक्तिनाथ
कृषि कम्पनीको प्राथमिक सेयर (आईपीओ)मा खुल्ला गरेको छ ।
एक
सार्वजनिक सूचना जारी गर्दै बिक्री प्रवन्धक एनआईएमबी एस क्यापिटलले आईपीओ
निस्कासन खुला भएको जनाएको हो ।
सर्वसाधारणले
आज १० बजेपछि कम्पनीको आईपीओमा आवेदन दिन सकिनेछ । मंसिर १२ गते ५ बजेसम्म आईपीओमा
आवेदन दिन सकिनेछ ।
सर्वसाधारणलाई
कम्पनीले जारी पुँजी ७० करोड रुपैयाँको २० प्रतिशत अर्थात कुल ११ लाख ४८ हजार
कित्ता सेयर निस्कासन गरेको हो ।
कम्पनीको आईपीओमा सर्वसाधारणले अंकित मूल्य १०० का दरले अनलाइन प्रणाली मेरोसेयरमार्फत आवेदन दिन सक्नेछन् । कम्पनीको आईपीओमा न्यूनतम १० देखी अधिकतम १ हजार कित्ताका लागि आवेदन दिन सकिनेछ । यो एक फरक प्रकृतिको कम्पनी हो । यो कम्पनी कृषि उत्पादनलाई सहयोग गर्नेगरी सञ्चालनमा आएको हो ।
आईपीओ
निष्कासनका लागि गराएको रेटिङमा कम्पनीलाई क्रेडिट रेटिङ कम्पनी इक्रा नेपालले ‘इक्रा एनपी इस्यूअर रेटिङ डबल बी माइनस’ प्रदान गरेको छ । यस प्रकारको रेटिङको
अर्थ कम्पनीको वित्तीय दायित्व बहन गर्ने क्षमतामा मध्यमस्तरमा जोखिम रहेको भन्ने
गरिन्छ।
यस कम्पनिमा
मुक्तिनाथ विकास बैंकको समेत लगानी रहेको छ ।
- न्युज बहार संवाददाता
