फागुन
३०, काठमाडौँ । नेप्सेमा आज बुधबार सामान्य करेक्सन आएको छ । केही दिनको लागातार बृद्धी
पछी नेप्से यसदिन सामान्य अंक घटेको हो।
आज नेप्से परिसूचक २.४८ अंक(०.११ प्रतिशत)ले घटेर २१०८.७२ विन्दुमा बन्द भएको
छ।
नेप्सेसँगै
यस दिन कारोबार रकममा पनि गिरावट आएको छ । यस दिन ३१० स्टकको ७३ हजार ५०६ पटकको
कारोबारमा ४ अर्ब २४ करोड ८५ लाख २३ हजार रुपैयाँ बराबरको १ करोड ८ लाख ८९ हजार
कित्ता शेयर किनबेच भएको छ।
यस दिन विन नेपाल
लघुवित्तको शेयर भने सकारात्मक सर्किट लेभलमा कारोबार भएको छ भने यस दिन अप्पर
तामाकोशीको शेयर भने नकारात्मक सर्किट लेभलमा कारोबार भएको छ ।
यस दिन कारोबार रकमका
आधारमा शिवम् सिमेन्ट्स शीर्ष स्थानमा रहेको छ। उक्त कम्पनीको आज २५ करोड ५३ लाख
रुपैयाँ बराबरको शेयर खरिदबिक्री भएको छ।
आज कारोबारमा आएका १३
उपसमूहमध्ये ७ उपसमूहको परिसूचक घटेको छ भने ६ उपसमूहको परिसूचक बढेको छ । आज सर्वाधिक
२.३२ प्रतिशतले वित्त उपसमूहको परिसूचक बढेको छ भने जलविद्युत, होटल तथा पर्यटन उपसमूहको
परिसूचक १ प्रतिशतभन्दा बढी घटेको छ।
- न्युज बहार संवाददाता
