माघ ९, काठमाडौँ । आज मंगलबार नेप्से परिसूचक झिनो अंक घटेर बन्द भएको छ ।
यस दिन नेप्से परिसूचक ०.४० अंक(०.०१ प्रतिशत)ले घटेर २०९८.२९ विन्दुमा बन्द भएको छ।
यस दिन नेप्सेसँगै कारोबार रकम पनि घटेको छ। आज ३१० स्टकको १ लाख १७
हजार पटकको कारोबारमा ४ अर्ब २९ करोड ४५ लाख रुपैयाँ बराबरको १ करोड १८ लाख १ हजार
कित्ता शेयर कारोबार भएको छ।
मंगलबार दुई स्टकको शेयर भने सकारात्मक सर्किट लेभलमा
कारोबार भएको छ। यस दिन नेपाल ल्यूब आयल लिमिटेड र चन्द्रागिरी हिल्सको शेयर
सकारात्मक सर्किट लेभलमा कारोबार भएको हो। आज सर्वाधिक ६.२० प्रतिशतले मिड सोलु
हाइड्रोपावरको शेयरमूल्य घटेको छ।
यस दिन पनि कारोबार रकमका आधारमा हिमालयन रि
इन्स्योरेन्स शीर्ष स्थानमा रहेको छ।
यस दिन १३ उपसमूहमध्ये ७
उपसमूहको परिसूचक घटेको छ भने ६ उपसमूहको परिसूचक बढेको छ ।
आज होटल तथा पर्यटन
उपसमूहको परिसूचक सर्वाधिक ४.७४ प्रतिशतले बढेको छ।
- न्युज बहार संवाददाता
