साउन २३, काठमाडौँ । मंगलबार साताको तेस्रो कारोबार दिन नेप्से दोहोरो अंकले घटेको छ ।
यस दिन नेप्से परिसूचक २८.४० अंक (१.३८ प्रतिशत) ले घटेर २०१९.८५ बिन्दुमा बन्द भएको छ।
आज परिसूचकसँगै कारोबार रकम पनि घटेको छ।
यस दिन २६५ वटा धितोपत्रको ४८ लाख ६० हजार ७४१ कित्ता सेयर किनबेचबाट १ अर्ब ७३ करोड ७० लाख १४ हजार ४९९ रुपैयाँको कारोबार भएको छ ।
आज नेप्समा स्वरोजगार लघुवित्तको सेयरमूल्य सर्वाधिक १० प्रतिशतले बढेको छ भने सेयर मूल्य सर्वाधिक घट्नेमा ग्लोबल आइएमई डिवेञ्चर२०८०/८१ रहेको छ।
हिजो जस्तै आज मंगलबार पनि आइएमई लाइफ इन्स्योरेनसको सर्वाधिक कारोबार भएको छ।
त्यस्तै, आज कारोबारमा आएका १३ वटा समूहगत परिसूचकमध्ये सबै समूहको परिसूचक घटेका छन । आज व्यापार समूहको परिसूचक सर्वाधिक २.७० प्रतिशतले घटेको हो।
- न्युज बहार संवाददाता
