मंसिर २४, काठमाडौँ । नेप्से परिसूचक दुई वर्षपछि एकै दिन उच्च
अंकले बढेको छ।
आज एकै
दिन नेप्से एक सय ११ बिन्दुले बढेपछि तेस्रो सर्किट समेत ब्रेक लागेर बजार बन्द भएको
छ ।
तीन
घण्टा अघि नै १२ बजेर ९ मिनेटमा तेस्रो सर्किट ब्रेक लागेपछि आजलाई बजार बन्द
गरिएको हो । सर्किट ब्रेक भएपछि साविक दिनमा ४ घण्टा हुने कारोबार यस दिन जम्मा ७
मिनेट मात्र कारोबार हुन पाएको हो ।
आज यसरी
सर्किट लेबलमा बढेपछी नेप्से परिसूचक करिब साढे तीन महिनायताकै उच्च बिन्दुमा
आइपुगेको छ। सर्किट ब्रेक लागेर बजार बन्द हुँदा नेप्से १९६३.९३ बिन्दुमा आइपुगेको
छ।
आज बजार खुले देखिनै उत्साहजनक रुपमा बढेपछि यस दिन तीन पटकसम्म
सर्किट ब्रेक लागेको हो। पहिलो सर्किट ब्रेक ४ प्रतिशतले बढेर बजार खुलेको ५ मिनटमा,
दोस्रो सर्किट ब्रेक पहिलो सर्किट ब्रेक
लागेर खुलेको एक मिनेटमै लागेको थियो।
राष्ट्र
बैंकले शुक्रबार जारी गरेको मौद्रिक नीतिको पहिलो त्रैमासिक समीक्षामा सेयर धितो
कर्जाको जोखिमभार एक सय ५० प्रतिशतबाट घटाएर एक सय २५ बनाएकोले लगानीकर्ताहरूमा
सकारात्मक सन्देश प्रवाह भएको मानिएको छ।
आइतबार
बजारमा नौ मिनेट मात्रै कारोबार भएकोले ४८ करोड २४ लाख रूपैयाँको कारोबार भएको छ। आज
कारोबारमा आएको सबै समूहगत परिसूचकमा वृद्धि भएको छ। सबैभन्दा धेरै ८.६३ प्रतिशतले
जलविद्युत समूहगत परिसूचक बढेको छ। होटेल, वित्त र विकास बैंक, लगानी समूहको परिसूचक
६ प्रतिशतभन्दा धेरैले बढेको छ।
यसदिन
कारोबारमा आएको ६ कम्पनीहरू रिलायन्स फाइनान्स, जोशी जलविद्युत, राप्ति हाइड्रो, शुभम पावर, कालिञ्चोक दर्शन, इन्ग्वा हाइड्रोपावरको
मूल्य सबैभन्दा धेरै १० प्रतिशतको दरमा बढेको छ।
- न्युज बहार संवाददाता
