मंसिर ३०, काठमाडौँ । हिमालयन
रिइन्स्योरेन्सको आईपीओमा आवेदन खुलेको तेस्रो दिन शुक्रबार साँझसम्म १० लाखले
भरेका छन् । शुक्रबार साँझ ५ बजेसम्म १० लाख ७८१ जनाले आईपीओ भरेको सीडीएस एण्ड
क्लियरिङले जनाएको छ।
कुल २ करोड
४९ लाख कित्ताका लागि आवेदन खुलेकोमा तेस्रो दिनसम्म १ करोड ८० लाख ६३ हजार ७९०
कित्ताका लागि आवेदन परेको छ । संख्यामा अहिलेसम्म ७२.५४ प्रतिशत आवेदन माग गरिएको
कुल सेयर परेको छ ।
बैंक
खातामा अहिलेसम्म कुल ३ अर्ब ७२ करोड ११ लाख रुपैयाँ ‘ब्लक’ भएको छ ।
बुधबारदेखि
खुलेको हिमालय रिइन्स्योरेन्सको आईपीओ भर्ने म्याद आइतबारसम्म रहेको छ । यद्यपि सम्पूर्ण
कित्ताका लागि सो अवधिसम्म आवेदन नपरेको खण्डमा भने थप समय लम्बिने छ ।
- न्युज बहार संवाददाता
