कार्तिक १७, काठमाडौँ । कात्तिक १७ र १८ गते सरकारले यस वर्षको राष्ट्रिय भिटामिन ‘ए’ कार्यक्रम सञ्चालन गर्ने भएको छ ।
सरकारले
प्रत्येक वर्ष सञ्चालन गर्दै आइरहेको कार्यक्रम यस वर्ष दशैं परेका कारण केहि पछी
सारिएको हो ।
स्वास्थ्य सेवा विभाग अन्तर्गतको
परिवार कल्याण महाशाखाले यो कार्यक्रम कात्तिक १७ र १८ गते तय गरिएको जनाएको छ ।
दुई दिने अभियानमा ६ देखि ५९
महिनाका करिब ३२ लाख बालबालिकाहरुलाई भिटामिन ‘ए’ क्याप्सुल खुवाइने र १ देखि ५ वर्षसम्मका
२९ लाख भन्दा बढी बालबालिकाहरुलाई जुकाको औषधि खुवाइने महाशाखा प्रमुख डा. विवेक
कर्ण लालले बताएका छन ।
बालबालिकाहरुलाई
आफ्नो घर नजिकको खोप केन्द्रमा लगेर भिटामिन ‘ए’ र जुकाको औषधि खुवाउन सकिन्छ ।
- न्युज बहार संवाददाता
