पुस १९, काठमाडौँ । अहिले मेलम्ची खानेपानी आयोजनाको मर्मतको कार्य
अन्तिम चरणमा पुगेको छ। सो आयोजनाको मुहान क्षेत्रलाई विसं २०७८ असारमा आएको
विनासकारी बाढीले तहसनहसनै बनाएको थियो। अहिले बाढीले क्षति पुर्याएका संरचनामा पुनः पानी पथान्तरणका
लागि काम भइरहेको छ।
आयोजनाको
मुहान क्षेत्रको मर्मतको काम ७० प्रतिशत सम्पन्न भएको छ। यसैबीच बुधबार हेलम्बु–१ अम्बाथानस्थित मेलम्ची
खानेपानी आयोजनाको मुहानस्थलमा भइरहेको कामका बारेमा प्रतिनिधिमण्डलले स्थलगत अवलोकन समेत गरेको आयोजनाका सिनियर
डिभिजनल इन्जिनियर पदमबहादुर कुँवरले जानकारी दिएका छन ।
सिनियर
डिभिजनल इन्जिनियर कुँवरका अनुसार अबका बाँकी काम केही कठिन रहेको तर जस्तोसुकै
परिस्थिति आए पनि अबको १० दिनभित्र सबै काम सम्पन्न हुने छ।
सरकारको
लक्ष्यअनुसार नै पानी पथान्तरणका लागि तीव्र गतिमा काम भइरहेको उनले बताएका छन ।
- न्युज बहार संवाददाता
