कार्तिक २५, कर्णाली । भूकम्पबाट प्रभावित क्षेत्रका
बासिन्दाहरुमा स्वास्थ्य समस्या देखिन थालेको छ ।
अत्यधिक
जाडोमा खुला चौर माथि त्रिपाल र कम्बलको भरमा रात कटाउनु पर्दा स्वास्थ्यमा समस्या
देखिन सुरु भएको हो ।
बिहीबार र शुक्रबार अत्यधिकरुपमा बढेको जाडोका कारण दुईजनाले
ज्यान गुमाएका छन् । ज्यान गुमाउनेमा नलगाड नगरपालिका–४ लहँका ८४ वर्षीय गोपालबहादुर
रावल र सोही वडाकै
४८ वर्षीया महिला पम्फा रावल रहेका छन्
।
गोपालको दम रोगका कारण र पम्फाको निमोनियाका कारण मृत्यु भएको वडाध्यक्ष
बद्री पन्तले जनाएका हुन ।
वडाध्यक्ष उनका अनुसार भूकम्प
गएको एक/दुई दिनदेखि नै ज्येष्ठ नागरिक र बालबालिकामा निमोनिया र दमको लक्षण देखिन
थालिसकेको थियो ।
भूकम्पले घर भत्काउँदा नियमित औषधि सेवनकर्ताको औषधि पुरिएपछि
उनीहरुले औषधि खानबाट वञ्चित भएका थिए जसले गर्दा उनीहरुमा चिसोले असर पार्दै आएको छ ।
- न्युज बहार संवाददाता
