बैशाख २, काठमाडौँ । इजरायलमा इरानले ड्रोन आक्रमण गरेको छ । इजरायल डिफेन्स फोर्स (आईडीएफ)का प्रवक्ता एडमिरल डेनियल हगारीका अनुसार इरानले २०० बढी ड्रोन र मिसाइलमार्फत् आक्रमण गरेको हो ।

इजरायलले १ अप्रिलमा सिरियाको राजधानी दमास्कसमा रहेको इरानको वाणिज्य दूतावासमा हवाई आक्रमण गर्दा सैन्य कमाण्डरसहित सात जनाको मृत्यु भएको थियो ।

मृत्यु हुनेमा इरानको कुद्स फोर्सका कमाण्डर ब्रिगेडियर जनरल मोहम्मद रेजा जाहेदी, डेपुडी ब्रिगेडिएर जनरल मोहम्मद हादी हाजी रहीमीलगायतका थिए । उक्त आक्रमणको बदलामा इजरायललाई इरानले आक्रमण गर्ने धम्की दिएको थियो ।

स्थानीय समय अनुसार गएराति १:४५ बजेदेखि इरानले आक्रमण सुरु गरेको थियो । इजरायलमा आक्रमण सुरु गरेदेखि नै तनावको स्थिति रहेको थियो । टाइम्स अफ इजरायलका अनुसार आक्रमणबाट इजरायलका केही सैन्य क्याम्पमा क्षति पुगेको प्रारम्भिक जानकारी प्राप्त भएको छ ।

• न्युज बहार संवाददाता