असार १०, काठमाडौँ । सोमबार राति रद्द भएको
दोहाको उडान आज हुने भएको छ। उक्त रोकिएको उडान आज मध्याह्न १२ बजेका लागि तोकिएको
छ। इरानले कतारमा आक्रमण गरेपछि हिजो रातिको दोहाको उडान रोकिएको थियो।
सोमबार
राति ११ बजे दोहा उड्ने तालिका रहेको नेपाल एयरलाइन्सको विमान कतारमा तनाव भएपछि
रद्द गरिएको थियो।
अहिले
दोहामा हवाई मार्ग खुलाइएको र अवस्था शान्त बन्दै गएकोले १२ बजेका लागि उडान तय
गरिएको एयरलाइन्सले जनाएको छ।
सोमबार
राति आक्रमणको सचूना आएको थियो। त्यसपछि वैदेशिक रोजगारीका लागि जान लागेका
अधिकांश यात्रुहरु अलपत्र परेका थिए।
- न्युज बहार संवाददाता
