मंसिर १४, काठमाडौँ । नेपालको कञ्चनजंघा क्षेत्रमा पर्यटक आगमनमा
उल्लेख्य वृद्धि दिएको छ ।
यो क्षेत्रमा अहिले आन्तरिक र बाह्य पर्यटकको ताँती नै लागेको छ
भन्दा फरक नपर्ला । कञ्चनजंघा आधार शिविरको भ्रमण गर्ने विदेशी पर्यटक बढेको कञ्चनजंघा
संरक्षण क्षेत्र व्यवस्थापन परिषद् कार्यालयका सूचना अधिकारीले जनाएका छन ।
उनका अनुसार एक हजार ८५ विदेशी पर्यटकले चालु आर्थिक वर्षको चार महिनामा कञ्चनजंघा
हिमाल अवलोकन गरेका छन् । २०५७ साल यता यहाँ आएका पर्यटकको यो नै धेरै संख्या हो ।
कञ्चनजंघा क्षेत्रमा विशेषगरी अष्ट्रेलिया,
फ्रान्स, अमेरिका र जर्मनीबाट पर्यटक
आउने गरेका छन् । स्थानीय होटल व्यवसायीले चाडपर्वका बेला आन्तरिक पर्यटकले
कञ्चनजंघा क्षेत्रका होटल र लज भरिएका बताएका छन् । होटल व्यवसायीहरुका अनुसार यो
वर्ष होटलका आम्दानीमा ३० प्रतिशतभन्दा बढी वृद्धि भएको छ ।
- न्युज बहार संवाददाता
