जेठ ११, काठमाडौँ । १५ घण्टाभन्दा कम समयमै विश्वको सर्वोच्च शिखर सगरमाथा आरोहण गरेर नेपाली महिला आरोही फुञ्जो झङ्मु लामाले कीर्तिमान कायम गरेकी छन् । सगरमाथा आरोहणको जारी वसन्त ऋतुमा गोरखाकी फुञ्जोले आज हिजो ६:२३ बजे सगरमाथाको चुचुरोमा पुगेकी थिइन । उनले १५ घण्टामै चुचुरोमा पुगेर सगरमाथाको सबैभन्दा छिटो महिला आरोहीको कीर्तिमान बनाएकी हुन् ।
पर्यटन विभागको अस्थायी फिल्ड कार्यालयका प्रमुख खिमलाल गौतमका अनुसार बुधबार दिउँसो ३:५२ मा आधार शिविरबाट आरोहण सुरू गरीकी फुञ्जोले बिहिबार बिहान ६:२३ बजे सगरमाथाको चुचुरोमा पाइला टेकेकी हुन ।
यसका साथै उनले १४
घण्टा ३१ मिनेटमा सगरमाथाको सफल आरोहण गरी कीर्तिमान कायम गरेकी जनाइएको छ ।
- न्युज बहार संवाददाता
