असोज ७, काभ्रेपलाञ्चोक । जिल्ला समन्वय समिति काभ्रेपलाञ्चोक र काभ्रे सेवा समाजको संयुक्त आयोजनामा पर्यटन प्रवर्द्धनका लागि टेवा पुर्याउने उद्देश्यले सांस्कृतिक शान्ति पदयात्रा सम्पन्न भएको छ ।
शान्ति दिवस तथा विश्व पर्यटन दिवसका अवसरमा ‘काभ्रेको लागि केही गरौँ’ भन्ने नाराका साथ विश्व सांस्कृतिक सहर पनौतीको लायकु दरबार डबलीबाट सुन्थान–शखु हुँदै नमोबुद्ध गुम्बासम्म पदयात्रा सम्पन्न भएको हो ।
पनौती र नमोबुद्धको महत्व धेरै रहेका कारण यहाँको पर्यटन प्रवर्द्धनका लागि सांस्कृतिक शान्ति पदयात्रा स्वागतयोग्य रहेको मन्त्रिपरिषद्का पूर्वअध्यक्ष खिलराज रेग्मीले बताउनुभयो ।
उनले शान्ति पयदात्राको नेपालमा मात्रै नभएर अन्तर्राष्ट्रियस्तरमा नै ठूलो महत्व रहने उल्लेख गर्दै पर्यटन प्रवर्द्धनमा थप टेवा पुग्ने विश्वास व्यक्त गरेका छन ।
पर्यटन प्रवर्द्धनका लागि पदयात्रासँगै साइकलयात्रामार्फत पनि सहभागिता जनाइएको थियो । काभ्रेपलाञ्चोकलगायत विभिन्न जिल्लाका नागरिकको यस विश्व सांस्कृतिक शान्ति पदयात्रामा सहभागिता रहेको थियो ।
