माघ १८, काठमाडौँ
। सरकारले आज बसेको प्रतिनिधिसभा बैठकमा ६ वटा अध्यादेश पेस गरेको छ ।
प्रधानमन्त्री
केपी शर्मा ओलीले आजको बैठकमा ‘सुशासन प्रवर्द्धन तथा सार्वजनिक सेवा प्रवाहसम्बन्धी केही
नेपाल ऐनलाई संशोधन गर्ने अध्यादेश, २०८१’ पेस गरेका थिए ।
उपप्रधानमन्त्री
तथा अर्थमन्त्री विष्णु पौडेलले उक्त अध्यादेश प्रधानमन्त्रीका तर्फबाट पेस गरेका
हुन् ।
दोस्रो
नम्बरमा सूचना तथा सञ्चार मन्त्री पृथ्वीसुव्वा गुरुङले सुशासन प्रवर्धन सम्बन्धी
अध्यादेश पेस गरेका हुन ।
त्यसैगरी
उपप्रधानमन्त्री तथा अर्थमन्त्री विष्णुप्रसाद पौडेलले ‘आर्थिक कार्यविधि तथा वित्तीय
उत्तरदायित्व (पहिलो संशोधन) अध्यादेश, २०८१’, ‘निजीकरण (पहिलो संशोधन)
अध्यादेश, २०८१’ र ‘आर्थिक तथा व्यावसायिक वातावरण
सुधार र लगानी अभिवृद्धिसम्बन्धी केही नेपाल ऐनलाई संशोधन गर्ने अध्यादेश, २०८१’ पेस गरेका हुन ।
अर्को
तर्फ भूमि व्यवस्था, सहकारी
तथा गरिबी निवारण मन्त्री बलराम अधिकारीले ‘भूमिसम्बन्धी केही नेपाल ऐनलाई
संशोधन गर्ने अध्यादेश, २०८१’ र ‘सहकारीसम्बन्धी केही नेपाल
ऐनलाई संशोधन गर्ने अध्यादेश, २०८१’ र पेस
गरेका हुन ।
- न्युज बहार संवाददाता
