भदौ ५, काठमाडौँ। आज शीर्ष दलका नेताहरुको बैठक
बस्न सकेन । सुन तस्करीको छानबिनका लागि उच्चस्तरीय समिति गठन गर्न बस्ने भनिएको शीर्ष
दलका नेताहरुको बैठक आज बस्न नसके पछी बैठक भोलि बुधबार बस्ने तय भएको छ ।
राष्ट्रिय स्वतन्त्र पार्टीका सभापति रवि लामिछानेले नेकपा एमालेका अध्यक्ष केपी शर्मा ओली आज बस्ने भनिएको बैठकमा नआएपछि बैठक नै नबसेको बताएका छन ।
लामिछानेले भने ‘बैठक नै बसेन, ओली जी आउन सक्नु भएन अस्वस्थताको कारणले त्यसैले छलफल पनि बाँकी भयो।’
यसैगरी एमालेका प्रमुख सचेतक पदम गिरिले उच्चस्तरीय समितिको संरचना र कार्य क्षेत्र नटुंगिएको र प्रधानन्यायाधीशको शपथ पनि रहेकाले आजको संसद बैठक नबस्ने जानकारी दिएका छन ।
- न्युज बहार संवाददाता
