बैशाख २९, काठमाडौँ । आज शुक्रबार पनि नेकपा एमालेको केन्द्रीय समितिको बैठक जारी रहने छ। केन्द्रीय समिति बैठक हिजो बिहिबारदेखि सुरु भएको हो र भोलिसम्म चल्नेछ ।
हिजोको केन्द्रीय समिति बैठकमा पार्टीका अध्यक्ष केपी शर्मा ओलीले राजनीतिक प्रतिवेदन पेस गरेका थिए। त्यस्तै महासचिव शङ्कर पोखरेलले पार्टी बैठकमा हुने छलफलका लागि एजेन्डा पेस गरेका थिए ।
हिजो पेस गर्न बाँकी रहेका प्रदेश कमिटीका प्रतिवेदन आज प्रस्तुत गरिने र त्यसपछि प्रतिवेदनउपर समूहगत छलफल हुने केन्द्रीय प्रचार तथा प्रकाशन विभागका सचिव गगन विष्टले जनाएका छन।
- न्युज बहार संवाददाता
